Niakatra 6% ny vola nampidirin’ny fadintserana raha oharina ny tamin’ny taona 2024. Mikendry hatrany ny hanatsara ny fomba fiasany ity rafi-panjakana ity ho an’ny taona 2026.
Tsara ny vokatra ho an’ny fadintseranana malagasy. Tafakatra hatrany amin’ny 3 642,3 miliara Ar ny vola nampidiriny tao anatin’ny 11 volana voalohan’ny taona 2025. Niakatra 6% io vokatra io raha oharina ny tamin’ny 11 volana voalohan’ny taona 2024. Tratra avokoa, araka izany, ny 83,42% ny tanjona napetraky ny lalàna mifehy ny tetibolam-panjakana. Porofo izany fa manomboka mihatsara ny vokatra. Na izany, mbola ny fanafarana entana no isan’ ny mampidi-bola betsaka ho an’ny fadintseranana. Araka izany, tombanana hahatratra hatrany amin’ny 4 366 miliara Ar ny totalim-bola azon’ity rafi-panjakana ity tamin’ny taon-dasa ka ny 72% dia azo avy amin’ireo entana samihafa raha toa ka azo avy amin’ny solika ny 28 % amin’izany. Maneho izany fa mitana ny laharana voalohany amin’ny fanafarana ataon’i Madagasikara ny akora fototra izay mitentina hatrany amin’ny 5 793,1 miliara Ar. Manaraka izany ireo fitaovana sy kojakoja samihafa izay tombanana ho 4 128,4 miliara Ar. Tarehimarika izay mampiseho ny fampiasam-bola ambony entina hanodinana sy hamokaran’ny indostria malagasy sy ny fanamboarana fotodrafitrasa samihafa.
Vina manditra ny taona
Tombanana hahatratra hatrany amin’ny 5 026 miliara Ar ny vola hampidirin’ny fadintseranana malagasy ho an’ny taona 2026. Kendrena ao anatin’izay ny hanatsarana sy hanamafisana ny fomba fiasany sy ny andraikitra sahaniny. Jerena manokana ny fampidirana hetra fanampiny. Tanjona izay hiantohana sy hanatsarana ny fitantanam-bola ho an’ ny fampandrosoana ny firenena.
Henintsoa
French