Vonona hiara-miasa amin’ireo mpampiasa vola samihafa i Madagasikira satria manana ireo loharanon-karena stratejika mahasarika ireo mpampiasa vola. Vina napetraky ny fitondram-panjakana ny hialana amin’ny fampiasana solika mavesatra izay lafo sy mandoto ny tontolo iainana. Tanjona ny hampiasana ny angovo azo havaozina ho andry stratejika hampandrosoana ny toekarena. Tao anatin’ny lahateniny, nandritra ny Global Utilities Forum tany Abu Dhabi, nanamafy ny Filohan’ny Fanavaozana, kolonely Randrianirina Michaël, fa “fampiasam-bola mahomby sady loharanon-karenan’asa sy famoronana asa ho an’ny mponina ny fampiasana ny angovo madio”. Nanolotra fiaraha-miasa mahomby amin’ireo mpampiasa vola ihany koa ny filoha izay mifototra amin’ny tetikasa azo antoka ara-bola, ao anatin’ny rafitra milamina, mangarahara ary azo antoka. Nambarany fa hohafainganina ny fanatanterahana ireo tetikasa amin’ny alalan’ny fanamorana ny dingana samihafa sy fanamafisana ny fandrindrana ny fanapahan-kevitra. Ankilany, atao laharam-pahamehana manomboka izao ireo tetikasa haingana sy mora tanterahana, azo ampitomboina tsikelikely ary ahazoana vokatra azo tsapain-tanana ao anatin’ny volana vitsivitsy momba ny angovo. Nilaza izy fa “isaky ny Megawatt iray azo avy amin’ny herinaratra avy amin’ny masoandro ampidirina ao amin’ny tambajotra ampiasaintsika dia iray miliara Ariary no voatahiry amin’ny solika afarana”. Nanamafy ny kly Randrianirina Michaël fa ”tsy mitady fampanantenana i Madagasikara, fa mpiara-miombon’antoka afaka manorina, mampiasa ary mampita fahaiza-manao eto Madagasikar
Henintsoa
French