Raim-pianakaviana iray hita faty tao anaty lobolobo tao amin’ny tanànan’Isaha Atsimo, kaominina Fianarantsoa, ny marain’ny alarobia 14 desambra teo, tokony ho tamin’ny 9 ora. Mpanadio teny amin’ny toerana manodidina no nahatsikaritra tranga hafahafa. Nahatazana olona tao anaty kirihitra izy ireo kanefa tsy nihetsika intsony io olona io. Nanamarina ny zava-nisy ireo mpiasa mpanao asa tagnamaro kinanjo lehilahy nifatotra tady tamin’ny tenda no tavela tao anaty lobolobo. Tsy nisy aina intsony anefa ilay raim-pianakaviana. Niantso manam-pahefana avy hatrany ireo nanatri-maso. Nidina ifotony nijery ny zava-misy ny mpitandro filaminana sy ny mpitsabo izay nanao ny fizahana ny vatana mangatsiaka. Efa maty ny alin’ny talata teo izy io, raha ny fitiliana nataon’ny mpitsabo. Tsy fantatra mazava ny anton’ny fahafatesany raha toa ka ninia namono tena na mety ho tranga vonoan’olona. Miroso amin’ny fanadihadiana ny mpitandro filaminana. Tsiahivina, tranga faty olona miisa efatra niseho tao anatin’ny efatr’andro ary tamin’ny faritany samihafa. Anisan’izany ilay lehilahy hita faty nihantona tamin’ny tady tao Mahajanga, afakomaly.
Tsiferana R.
French