Niavaka raha izay no azo ilazana ny fifampiarahabana noho ny asaramanitra, nahatratra ny taona vaovao 2026, teo anivon’ny antoko Tiako i Madagasikara. Notarihin’ny filoha mpanorina azy, Ravalomanana Marc, filoha teo aloha sy ireo pikambana marobe ny asabotsy 17 janoary teo izany, tetsy amin’ny Magro Tanambao fahadimy. Nisongadina noho ny fahitana ireo mpanolotsain’ny tanàna voafidy tamin’ny anaran’ny antoko Tgv/ Mapar notarihin’ny filoha lefitra faharoan’ny ben’ny tanànan’i Toamasina voalohany. Teo ihany koa ny eo anivon’ny Faritra Atsinanana sy ny mpikambana mandrafitra ny kabinetran’ny ben’ny tanàna. Tsy ireo ihany fa maro ireo avy amin’ny antoko politika sy fikambanana hafa izay niara-dia tamin’ny antokon’ny fioha teo aloha Andry Rajoelina, izay nasaina manokana nifanome voninahitra.
Manoloana ireo, nazava ny tenin’ny filoha lefitry ny Antenimierampirenena misahana ny faritanin’i Toamasina, Razara Pierre Fidel, fa ny antoko Tim sy ny filoha Ravalomanana Marc dia manana lalantsaina ho amin’ny fampiraisana ny firenena. Fifanomezan-tanana ho an’ny rehetra tsy manaiky ny fanilikilihana amin’ny tsy fitoviana firehana politika ihany koa. Ny tanjona dia i Madagasikara ho an’ny Malagasy anaty rafi-piarahamonina mirindra
Sajo
French