Vehivavy ny 30% ny mpandraharaha eto Madagasikara. Toy izany koa ny 61% ny mpanjifan’ny banky Sipem. Noho ireo, manome lanja manokana ny vehivavy mpandraharaha ity banky ity. Anisan’ny olana sedrain’ny vehivavy ny hasarotan’ny fahazoana famatsiam-bola. Nambaran’ny tale jeneraly lefitra (DGA) ny banky Sipem, Randriatsimialona Lanja, fa “omena tolotra manokana mifanandrify amin’ny filany ny vehivavy, mba hahafahany mampiroborobo sy manitatra ny seha-pihariany avy. Misy ny tolotra ho an’ireo mpandraharaha vao manomboka (Start’ Her), fa kosa efa nisy tao anatin’ny enim-bolana. Eo koa ny ho an’ny efa mihodina (Boost’Her) ary ho an’ny efa miroborobo ka hanitatra (Sprint’Her)”.
Maromaro ny tolotra mitambatra (pack) omena ny mpanjifa. Mora hatrany amin’ny 40% miohatra amin’ny mahazatra. Fitsinjovana sosialy, toy ny fahasalamana, ohatra. Manampy ireo sady mampiavaka ny tolotra ny torohevitra hanampiana ny mpandraharaha hampahomby ny tetikasany. Mandritra ny 12 hatramin’ny 72 volana ny fanonerana ny findramam-bola. Natao ho an’ny mpandraharaha 21 taona no ho mihoatra.
Misy koa ny fitahirizam-bola (épargne) amin’ny tahan-janabola 7% isan-taona.
Njaka A.
French