Mandeha ny asa fanarenan-dalana miainga eo Mangamila, Alakamisy Andranomadio, Andranomay. Nanolotra ny fitaovana vaventy ampiasaina ny faritra Analamanga, raha ny kaominina, amin’ny alalan’ ny Zanaka am-pielezana, no niantoka ny gazoala hampandehanana ireo fitaovana. Mandray anjara amin’ny asa vatana, toy ny fitaterana vato sy fasika, ny mponina. Maharitra 11 andro ny asa.
Hitrandraka ny entona voajahanahary any Mahaboboka Sakaraha, ny orinasa AITEO. Misy ny fifanarahana fiaraha-miasa amin’ny fanjakana, soloin’ ny Omnis tena, ao anatin’ny Fifanarahana fitsinjarana ny vokatra (CPP). Nampahafantarina ny 27 oktobra teo, tany an-toerana, ny orinasa AITEO, niaraka tamin’ ny Fitantanam-paritry ny harena an-kibon’ny tany Atsimo Andrefana.
Miisa 100 ny tantsaha misitraka masombolim-bary fototra milanja 2,5 taonina, any Amoron’i Mania. Fiaraha-miasan’ny fandaharanasa Defis sy ny Tranoben’ny tantsaha any an-toerana. Hamokatra masomboly izy ireo, ary haparitaka amin’ny mpamboly avy eo. Karazam-bary X 16 48, Nerica 4, ho an’ny vary an-tanety, ary X 265, Fofifa 173, ho an’ny vary anaty rano.
French