Tafiditra ao anatin’ny andiany faha-6 ilay hetsika « Vontom-pitia » fanaon’ny komitin’ny fiainam-pianakaviana eo anivon’ny FJKM. Hanomboka ny 10 febroary ka hatramin’ny 16 febroary, isaky ny amin’ny 12 ora atoandro ka hatramin’ ny 2 ora tolakandro, hisy hatrany ny fandaharam-potoana hitondrana fampianarana sy fanampiana ho an’ny fiainan-tokantrano sy ny fiainam-pitiavana. Samy hahazo ny anjarany ny rehetra, satria, hivelatra amina sehatra maro ny lohahevitra.
Ny 10 febroary, Randriamampianina Zo, Mpitandrina hitondra ny : « Mamonjy ny lehilahy ny tenin’Andriamanitra » (Katedraly Analakely). 11 febroary, Dr. Ratsimandisa Zo, Mpitandrina : « Mamonjy ny vehivavy ny tenin’Andriamanitra » (FJKM Ambatomena). 12 febroary, « Mamonjy ny Raiamandreny ny tenin’Andriamanitra », ho entin-dRazafiniarivo Fidison, Mpitandrina (Katedraly Analakely). Ny 13 febroary, « Ankohonana manao ny Tenin’ Andriamanitra ho ivon’ny fiainany », Mpitandrina Trimozafy Dyna (Katedraly Analakely). Randriamisaina L Tromphe, mpitandrina hamelabelatra ny « Mamonjy ny mpivady ny tenin’Andriamanitra (Katedraly Analakely). 15 febroary: « Mamonjy ny zanaka ny tenin’Andriamanitra » tanterahin’ny biraon’ny mpiandraikitra foibe (FJKM Atsimon’Imahamasina). Ny 16 febroary, amin’ny 12 ora sy sasany, ny fikambanana Tokantrano Vavolombelona FJKM Manarintsoa no mikarakara ny « Saham-pitia » eny amin’ny Espace Olympia Ampitatafika. Ny mpitandrina Irako Andriamahazosoa Ammi, filohan’ny FJKM no hitondra ny dinika eny an-toerana.
HaRy Razafindrakoto
French