Fantatra fa naolan’ny raikeliny nanomboka teo amin’ny faha-7 taonany (2022) ny zazavavikely iray 9 taona tany amin’ny fokontany Ambondrona, Mahajanga. Nanatanteraka ny filan-dratsy taminy ny raikeliny, 29 taona, rehefa tsy ao an-trano ny renin’io zaza io. Tonga nitory teny anivon’ny mpitandro filaminana any an-toerana ny renin’ilay zaza, ka nahavoasambotra io lehilahy nahavanon-doza io. Tsikaritry ny reniny fa tsy salama io zaza io ka nentiny teny anivon’ny mpitsabo. Fantatra fa simba tanteraka ny mahavehivavy azy hatrany amin’ny fitombenany, nandritra ny fizahana nataon’ny mpitsabo.
Mandeha miasa sy miala ny trano fonenan’izy ireo amin’ny 4 ora maraina ny renin’io zaza io. Tonga miditra sy mankany amin’ny efitranon’ilay zana-badiny io nahavanon-doza io ka manararaotra mampihatra ny filan-dratsiny. Mbola rahonan’io lehilahy io ho faty ihany koa izy raha miteny ny zava-manjo azy amin’ny reniny. Antony tsy nahasahiny niteny sy nitantara ny nanjo azy tamin’ny reniny, raha ny fanazavana.
Anaovana fanadihadiana sy tazomina eny anivon’ny polisy misahana ny zaza tsy ampy taona (DPMPM) any Mahajanga moa izy. Hatolotra ny fampanoavana kosa aorian’ny famotorana.
Mino
French