Taolam-paty ampolony tao amin’ny fokontany Fiadanakely, kaominina Mahitsy, distrikan’Ambohidratrimo, lasan’ny jiolahy, ny talata 4 marsa teo. Nitrangana vaky fasana indray tao amin’io kaominina io. Mpandalo no nahatsikaritra fasana efa nisokatra. Niantso ny tomponandraikitry ny fokontany izy ireo. Nidina ifotony nanao ny fanadihadiana koa ny mpitandro filaminana. Notsirihana ny fasana vaky. Voamarina fa lasan’ireo tsy mataho-tody ny taolam-balo miisa 13. Matetika hitrangana fampihorohoroana ateraky ny fandrobana fasana tahak’izao ao amin’io kaominina io. Araka ny loharanom-baovao, fanimpitony nisehoana vaky fasana tao Fiadanakely, tao anatin’ny herintaona. Anisan’izany, ny tranga niseho ny 16 avrily 2023. Fasana miisa efatra nasesin’ireo mpandroba tamin’io fotoana io. Fokontany hafa tsy lavitra an’i Fiadanakely koa, voakasika. Tsy mbola nahatratra tompon’atoka tamin’ity tranga ity ny tomponandraikitra ao an-toerana. Mipetraka ho baraingo ny antony hangalaran’ireo olon-dratsy ny toalam-paty sy hanatanterahany ny vaky fasana. Miroso amin’ny fanadihadiana io raharaha tao Fiadanakely io ny zandarimaria miasa ao Mahitsy. Marihina, ireo kaominina misintaka ny Renivohitra matetika no lasibatry ny tranga vaky fasana.
Tsiferana R.
French