Ankoatra an’i Etats-Unis sy Canada ary i Mexique, mpampiantrano ny “Mondial 2026”, firenena efatra hafa no efa nahazo ny tapakila hiatrehana izany. Tao amin’ny faritr’i Azia, tafita voalohany ny Samourai an’i Japon, miampy ny Tim Melli an’i Iran. Ho an-dry zareo any Oceanie indray, ny Kiwis Nouvelle-Zelande, tafakatra amin’izany. Fanintelony amin’izao no hiatrehan’ny Kiwis ny “Mondial”, taorian’ny taona 1982 sy 2010. Ao amin’ny faritr’i Amerika Atsimo, mbola hiaro ny anaram-boninahitra eo am-pelatanany ny Albiceleste an’i Argentine.
Ho an’ny faritr’i Afrika, tsy mbola misy anarana firenena efa tafakatra fa mbola miandry ny fahavitan’ny andro efatra sisa farany. Anisan’ny miady izany toerana izany ny Barea de Madagascar, ao amin’ny vondrona “I”. Mbola hifampitadiavana tanteraka ihany koa ny toerana amin’ity “Mondial 2026” ity, ho an-dry zareo ao Eoropa. Tsiahivina fa nakarina ho 48 ny isan’ireo firenena mandray anjara ho an’ity andiany faha-23 ity, raha 32 hatramin’izay.
Tompondaka
French