Tra-tehaky ny mpitandro filaminana any Toamasina ny velaran-tany mirefy 10 hekitara nahitana rongony 10 000 fototra maniry miaraka amin’ny vary, tany amin’ny kaominina ambanivohitra Andranombolaha sy Ambalarondra, disitrikan’ i Toamasina faharoa. Nosavaina ihany koa ny tranon’ireo tompona tanimbary teny an-toerana ka nahitana rongony efa maina milanja 250 kilao. Olona dimy voarohirohy mahakasika ity raharaha ity, voasambotry ny polisim-pirenena, nandritra ny fidinana ifotony nataon’ny vondron-tobim-paritry ny zandarimariam-pirenena, tarihin’ny kolonely Randrianirainy Pacom, tany an-toerana. Tafiditra ao anatin’ny hetsika manokana hiadina amin’ny fanaparitahana zava-mahadomelina sy ny firongatry ny tsy fandriampahalemana izao.
Sajo/ Mino
French