Hotanterahina eny amin’ny ranomasin’i Ramena, Diego, ny 4-5 oktobra 2025 ho avy izao, ny hetsika “Milay Contest”, izay karakarain’ny Yas Madagascar sy ny Federasionina ara-panatanjahanten’ny lakana an-
dranomasina, Sport Voiles. Araka ny nambaran’ireo mpikarakara teny Ambodivona, omaly, vola mitentina 10 tapitrisa Ariary no hatolotra ho an’ny izay voalohany amin’ny fifanintsanana familiana lakana Botry, raha toa ka 2 tapitrisa sy 5 hetsy Ariary kosa ho an’izay tompondaka amin’ny «kitsurfs».
Sambany teo amin’ny tantaran’ny fanatanjahantena no nikarakara hetsika tahaka izao ny Federasionina ary milaza izy ireo fa ny Malagasy ihany no afaka mandray anjara amin’ity. Mpandray anjara miisa 24 no andrasana amin’ny fifanintsanana Botry. 40 kosa ny Kitsurfs. Ankoatra ny resaka fanatanjahantena, misy ihany koa ny hetsika samihafa, toy ny «octobre rose », izay natokana tanteraka ho an’ny vehivavy. Tanjona amin’ity andiany voalohany ity, ny hampiakatra ny lentan’ny Malagasy milalao ny lakana eny ambony ranomasina.
Fitia Randria
French