Toetry ny andro: hiverina ny oram-baratra

Hiverina ny volon’andro fahavatra ho an’ny telo andro manaraka. Hahazo vahana ny orana, araka ny fanazavan’ny sampana famantarana ny toetry ny andro, omaly. Anio, hisy ny oram-baratra ho an’ny faritra Diana, Sava, Sofia, Analanjirofo, Alaotra Man­goro, Atsinanana, Vatovavy, Fitovinany. Hisy rotsak’orana mitsitokotoko koa any amin’ny ilany atsinanan’ Ana­la­manga, Vakinankaratra sy Amoron’i Mania. Ho tandrifin-drahona ny andro ho an’ny ilany andrefan’ny afovoan-tany ary hanjombona na hahazo masoandro ny faritra sisa. Ho an’ny rahampitso, hisitraka orana avokoa ny tapany avaratry ny Nosy. Hifandimby ny rahona sy ny masoandro ho an’ny Atsimo Andrefana, Androy, Anosy, Atsimo Atsi­na­nana sy Ihorombe.
Momba ny maripana, hidina kely ny maripana ambony ho an’ny eto afovoan-tany amin’ity herinandro ity. 12°C ny maripana ambany indrindra, 38°C kosa ny ambony indrindra manerana ny Nosy.

Vonjy