Naratra voatsatoka antsy ny vehivavy iray nandritra ny fifampikasihan-tanana teo aminy sy ny rafiny, tao Ambatondrazaka, fokontany Antanamiketraka, any Antsirabe Avaratra, distrikan’i Vohemar, ny 2 janoary teo. Nifamaly io vehivavy io sy ny vehivavy vadin’ny lehilahy iray. Samy sakaizan-drangahy izy roa vavy ireo ary samy niterahany iray avy. Tsy mifanalavitra raha teo fa misy rohim-pihavanana ireo vehivavy roa ireo. Raikitra tampoka ny ady ary niafara tamin’ny fifandratrana teo amin’ny roa tonta. Norangotin’io vadikelin’ilay rangahy ilay tompom-bady. Nampiasa antsy ity farany ka nahavoa an’io rafiny io. Naratra mafy ka voatery nitsabo tena teny amin’ny toeram-pitsaboana ilay voan’ny antsy. Nametraka fitoriana teny amin’ny manam-pahefana ny roa tonta taorian’io ady io. Mandray an-tanana ny famotorana ny zandarimaria.
Tsiferana R.
French