TSELATRA

Olona 15 narary tratran’ny fahapoizinana ara-tsakafo faobe (TIAC) tany Toamasina, raha ny tatitra navoakan’ny avy amin’ny DSRP Atsinanana, omaly. Nai­ditra hopitaly any amin’ny CHU Analankinina Toama­sina izy rehetra ireo. Namonjy fety fifampiarahabana nahatratra ny taona vaovao iray tany an-toerana izy ireo, afakomaly. Samy nivalana, nandoa, fanina, narary an-doha avokoa ny fisehoan’ny soritr’aretina teo amin’ny tsirairay. Tsy mbola fantatra mazava ny sakafo tena nahatonga ny fahapoizi­nana faobe nahazo ireo olona ireo. Amin’izao fotoana izao, efa manokatra fanadihadiana sy ny fitsirihana mahakasika ny sakafo niteraka ny aretina kosa ny tomponandraikitra mahakasika izany.