Tale jeneraly vaovao hitantana ny Fadintseranana malagasy, Randrianjafy Antoine. Mahafehy sy mahalala tsara ny lanjan’ny toekarena sy ny ladoany ny tenany. Tanjony ny hanamafisana ny fanavaozana ho maoderina kokoa ny fitantanana ny haban-tseranana, ny ady amin’ny hosoka sy ny trafika tsy ara-dalàna
amin’ny fanondranana sy ny fanafarana entana, indrindra ny ady amin’ny kolikoly.
Hampiana baka fiampitana fanindroany any amin’ny renirano Ifasy, amin’ny lalam-pirenena faha-6. Vahaolana maika noraisina hampihenana ny fitohanan’ny fifamoivoizana izany. Efa tonga any an-toerana ity baka ity ary hanomboka hiasa tsy ho ela. Fepetra noraisina koa ny hanitarana ny ora fiasan’ireo tomponandraikitra. Maimaimpoana ny fiampitana.
Miisa 60 fototra ny zana-kazo nambolen’ny Dredd Sofia, tany Befandriana Avaratra, ny 20 janoary teo. Hazo fihinam-boa ny 4 amin’ireo. Anisan’ny nandray anjara tamin’ity hetsika ity ny depiote voafidy tany an-toerana, Bernardin. Teo amin’ny sampanan-dalana fiviliana (croisement) fiviliana mankany Befandriana Avaratra no natao ny hetsika.
French