Nampanantena vahaolana sosialy ny filoham-panjakana tamin’ny lahateniny tetsy amin’ny Lapan’ny HCC, Ambohidahy ny 17 oktobra 2025. Notanterahina tamin’io fotoana io ny lanonam-pitsarana manetriketrika nandraisana ny fianianan’i Kolonely Randrianirina Michaël, izay tendry ho filohan’ny Fanavaozana ny Repoblikan’i Madagasikara, araka ny didy navoakan’ny HCC ny 14 oktobra 2025. Nitarika izany ireo mpitsara avo, ireo manamboninahitra sivily miaramila, ireo tomponandraikitra ambony maro. Teo koa ireo Raiamandreny ara-panahy sy ara-drazana sy ireo masoivoho maro miasa sy monina eto Madagasikara. Manampy izany ireo solontenan’ireo tanora nandray anjara tamin’ny tolona. Nisongadina nandritra ity fotoana ity ireo andraikitra sy fanamby lehibe miandry ny filohan’ny Fanavaozana ny Repoblika. Mitaky fahitsiana sy fahaiza-manao matihanina amin’ny famolavolana ny firenena ao anatin’ny fitondrana tan-
dalàna, araka ny nambarany. “Laharam-pahamehana ny hitondrana vahaolana haingana sy maharitra ka hivoahana amin’izao fahasarotana ara-tsosialy sy ara-toekarena sy hamaliana ny hetaheta eny ifotony”, hoy izy. Niantso ny rehetra hifanome tanana sy hifanohana ihany koa mba hanatrarana miaraka izany tanjona lehibe izany ny tenany.
Synese R.
French