Nozaraina tamin’ny mpianatra 400 teo anivon’ny EPP Antanimena I indray ny vokatra azo avy amin’ny tetikasa iarahan’ny CUA sy ny First-Immo, omaly. Namokatra katsaka 238 kg ity sekoly ity tamin’ny alalan’ny fanatontosana io tetikasa io. Nositrahan’ireo mpianatra araka ny lamina efa napetrak’izy ireo izany. Raha tsiahivina, miala voly sady mianatra mamboly miampy fandraisana andraikitra ireo mpianatra maherin’ny 18 000 eny anivon’ny EPP eto an-dRenivohitra amin’ny alalan’ny ity tetikasa ity. Hamatsiana ireo karazana legioma rehetra sy voankazo fihinam-boa, eny anivon’ireny « cantine scolaire » ireny, ity tetikasa ity. Natao hampivelarana ny ara-tsain’ireo mpianatra fa indrindra hampianarana azy ireo sahady ny fambolena izany. Mizara isaky ny kilasy ny fiandraiketana sy fikarakarana ireo voly legioma ireo. Mandray anjara mavitrika amin’ny fikolokoloana avokoa, noho izany, ireo mpianatra. Marihina fa hitohy eny amin’ny EPP Nanisana ny fiotazana ny vokatra ny alakamisy izao. Ny zoma kosa, ho an’ny EPP Manjakaray.
Tsiferana R.
French