Nihorohoro vao maraina ny mponina teny Anosibe Mandrangobato sy ny manodidina, ny sabotsy teo. Nifampitifitra ny polisy sy ny jiolahy ka maty voatifitra ity farany. Jiolahy raindahiny amin’ny fanafihana mitam-piadiana izy io.
Toy ny fanaony mahazatra, nanatanteraka fisafoana tany anaty elakela-tranon’ Anosibe ny polisy manao fanamiana sivily. Nandritra izany, nifanehatra tamina andian-jiolahy nitondra fitaovam-piadiana izy ireo. Namoaka basy ireo jiolahy raha vantany vao nahatazana ny polisy. Mafy ny fifandonana tao anaty haizina. Polisy iray naratra raha rotiky ny bala kosa ny jiolahy iray niaraka tamin’ny antsy lava. Voalazan’ny tatitra nampitain’ny polisy fa nikasa hanao ny asa ratsiny tamin’iny faritra iny ry zalahy ireto no nifanehatra tampoka tamin’ireo polisy.
J.C
French