Nanala ny ahiahin’ny maro na tsy hokitihina na hahitsin’ny depiote aza ny tetibola “LFR”. Nambaran’ ny minisitry ny Atitany, Tokely Justin, omaly, fa hampafantarin’izy ireo tsy ho ela ny tena tetibola farany ilaina amin’ny fanatanterahana fifidianana. “Manana anjara biriky amin’izany ny fitondram-panjakana. Eo koa ny ifampiresahana amin’ ny mpiara-miombona antoka afaka mamatsy vola ka tsy maintsy hotanterahina amin’ity taona ity ny fifidianana”, hoy izy.
Nitondra valin-kafatra ho an’ireo mpanao politika sasany koa ny tenany momba ny fitakian’izy ireny ny hamoahana ny didim-panjakana fiantsoana ny mpifidy. Nanteriny fa tsy misy sakana ny amin’izany. Tsy maintsy havoaka izany rehefa tonga ny fotoanany, araka ny nambarany hatrany. “Mbola ao anatin’ny fe-potoana ara-dalàna isika izao. 90 andro mialoha ny fifidianana no tokony hamoahana izany farafahatarany”, hoy ihany izy.
Synèse R.
French