Kaoperativa 7 no nanamafy ny fahaiza-manaony
amin’ny sehatry ny fitaterana ny alarobia teo, niaraka tamin’ny ATT. Fanofanana ho an’ireo olona rehetra miantsehatra amin’ny fitaterana sy mahakasika ny rafi-pitaterana nahitana loza no natao. Nisitraka ny fiofanana ny mpamily, ny mpivarotra tapakila, ny mpamatotra entana miisa 64, tompona fiara…
Fotoana mampirongatra ny aretina haromotana
amin’ny alika izao. Mila mitandrina ny mpiompy. Mila manao vaksiny ara-potoana ny biby ompina. Handraisana fepetra ihany koa ireo alika mirenireny mba tsy hitera-doza. Fadiana tanteraka ny kaikitry ny alika raha ny toro-hevitry ny mpitsabo biby. Manatona haingana ny mpitsabo rehefa voakaikitry.
Kaominina dimy no nahazo tohana tao amin’ny distrikan’i Toliara II, ka nisitraka fanarenana ara-tsakafo avy amin’ny BNGRC, tao anatin’ny 10 andro. 1 250 ireo vahoaka nizarana tohana. 46 t sy 250kg no anjara fanampiana ho an’ireo kaominina dimy. Nomena vary 25kg, menaka 2 l, voamaina 10kg ireo olona sahirana rehetra ireo.
Notokanana tamin’ny fomba ofisialy ny EPP manara-penitra Ambohimandroso, izay manana efitrano fianarana 12, sy ny EPP manara-penitra Ambatotsipihina, ahitana efitrano fianarana roa, samy ao anatin’ny Cisco Antanifotsy, tamin’ity herinandro ity. Nizarana fitaovam-pianarana ahitana kitapo, kahie, penina ary pensilihazo avokoa ny mpianatra.
French