Notanterahina nanomboka ny sabotsy 28 oktobra lasa teo, teny Mahamasina, ny fifaninanana « Championnat National Scolaire », taranja baolina kitra. Ireo mpianatra eny anivon’ny CEG no mandray anjara amin’izany. Nandritra ity andro voalohany ity, ny ekipan’ny CEG Mahabibo no hita fa misongadina amin’ity fifaninanana ity.
Nahazo fandresena roa izy ireo. Lavon’izy ireo tamin’ny isa 2 no ho 1 ny CEG Benoit, Bevava, ary resin’izy ireo 3 no ho 0 ny CEG Fandriana. Ny omaly alahady, nifanandrina tamin’ny CEG Augagneur sy ny sekoly Jolis Citadin ireto mpiantr’i Mahabibo ireto. Marihina fa ity tetikasa ity dia tafiditra amin’ny fandaharanasan’ny CAF amin’ilay hetsika “African Schools Program”. Tsara marihina fa tonga nanotrona ity fifanintsanana ity, ny filohan’ny Kaomisionina ny baolina kitra, sokajy zandriny, eo anivon’ny Federasiona (FMF), Raharimino Mario Rosario. Tsara ny mampahafantatra fa ny sokajy U-15 lahy sy vavy ary ny U-13 no afaka milalao eny ambony kianja. Marihina fa hifarana ny alakamisy 2 novambra ho avy izao ny fifaninanana.
Fitia Randria
French