Nampahafantarin’ny tomponandraikitry ny “Viavy Film Festival”, omaly, ireo sarimihetsika voafantina hiatrika ny andiany voalohany amin’ny fifaninanana. Miisa 12 izy ireo. Ny 15 marsa 2024 no hifandimby handeha eny amin’ny Canal Olympia Andohatapenaka ny horonantsary. Marihina fa sarimihetsika nosoratana sy novokarina ary notontosaina vehivavy no mandray anjara. Tanjona ny hanome sehatra bebe kokoa ny vehivavy eo amin’ny sehatry ny sarimihetsika sy ny hanomezana tosika azy ireny.
Amin’ny ankapobeny, mitantara ny zava-misy iainana sy ny andavanandrom-
piainan’ny vehivavy ireo horonantsary voafantina. Anisan’ izany ny “Diary” an’Andrianarinjato Avofanahy, “Marche” an-dRobinson Roxane, “It Starts within” an-dRanaivoarimanana Vatsisoa Soniah, “Petite Melody” an’Andriarimanjaka Dina Nomena, “Hidy” an’Andriantsileferintsoa Rova, “Avy eo!” an’Andrianimerina Hasi, “Porn raped me” an’i Jamina Canicave, “Sous silence” an’i Mazigna Barros, “Why are we awake” an’i Rafali Nya, “Soritra” an-dRandrianarivelo Mino, “Wanna go back” an’i Kuro Mi, “Les bouitelles sont à la mère” an-dRamarofahitra Ida Judicia.
Lin
French