INDRAY MIJERY

Misy fiforonana orana tandrifin-drahona any amin’ny faritra atsimon’i Madagasikara, omaly sy anio. Hitohy hatrany ny orana malefaka amin’ny faritra ava­ratra atsinanana sy afovoany atsinanan’ny Nosy. Ho maina kosa ny andro any amin’ny faritra sisa.
Tetikasa iarahan’ny Nifin’Akanga, ny Coalition des radios ary ny tambajotra Mihari manatanteraka ny Fagnoro Vavy. Haharitra efatra andro ny fampiofanana ireo 20 vehivavy mpanjono ao Mahajanga. Fiofanana sy mahakasika ny herisetra mifototra amin’ny maha lahy sy maha vavy, ny fahaiza-mitarika.
Hisy fandaharanasa ahafahana mampiofana ny tanora amin’ny resaka fandraisam-bahiny sy fizahantany iarahana amin’ny « Bradford Institute » atsy amin’ny Nosy Maurice. Hiantohana avy hatrany ny fahafahan’izy ireo miasa raha vao vita fiofanana.
Ho fanomanana, nisy fivoriana nampitain-davitra niarahan’ny minisitry ny Fampianarana teknika sy ny tomponandraikitry ny Bradford Institute.