Mpitondra bisikileta iray naratra nodomin’ny kamiao lehibe an’ny mpitandro filaminana tetsy Anosizato, omaly. Tafasitrika tao ambanin’ny fiara mihitsy ilay bisikileta saingy tsy nisy kosa ny aina nafoy. Naratra mafy ilay mpitondra ity farany ary nentina notsaboina.
Foibe ana fahitalavitra iray ao Ambatondrazaka saika nodoran’ny tsy mataho-tody tao Ambohimiangaly, afakomaly alina tamin’ny 11 ora sy sasany. Nosaroman’ireo tsy valahara tamin’ny akanjo indray ny afo ary notapahan’izy ireo ny taribin-jiro miditra ao amin’io orinasa tsy miankina io.
Jiolahy ikoizana maty voatifitry ny zandary nandritra ny fisamborana azy tao Soavinarivo fokontany Ambalavao, kaominina Ibity, afakomaly. Nitondra antsilava izy. Nasain’ny zandary nijanona saingy voamaika nanohitra ka maty voatifitra. Anisan’ireo jiolahy naka
an-keriny ilay ankizy fito taona tao Alarobia Bemaha ity maty ity.
French