Voasambotry ny mpitandro filaminana ny lehilahy iray namaky trano, an’ny mpifanolobodirindrina aminy, tao amin’ny fokontany Ambohimilemaka, kaominina Mahitsy, omaly. Nanararaotra ny tsy fisian’ny olona tao amin’io trano io ilay olon-dratsy. Nalainy avokoa ny entana, toy ny fahitalavitra, ny 26 avrily lasa teo. Niverina tao an-trano ny tompontrano, efatr’andro taorian’io, foana ny entana sarobidy rehetra. Nametraka fitoriana teny anivon’ny biraon’ny zandary avy hatrany izy. Niroso tamin’ny fikarohana ny nahavanon-doza ireto farany. Fito andro taorian’ny vaky trano, voaporofo fa ilay lehilahy mpifanolobodirindrina no nahavanon-doza. Tratra ireo entana very. Nohazonina natao fanadihadiana io olon-dratsy io ary naverina amin’ny tompony ny entana.
Tsiferana R.
French