Nambaran’ny sekretera mpanatanteraka lefitra eo anivon’ny Ceni, Ravaoharinirina Hanitriniaina Liliane, omaly, fa efa misokatra izao izy ireo amin’ny soso-kevitra rehetra momba ny fifidianana. “Entaninay ireo mpisehatra rehetra eo amin’ny fifidianana: antoko politika, fiarahamonim-pirenena… mba handefa soso-kevitra aty amin’ny Ceni, mialoha ny 20 jolay izao ho fanatsarana ny fifidianana”, hoy izy. Anisan’ny andrasana amin’izany ny momba ny fanatsarana ny lalàm-pifidianana, ny fiarovana ny zon’ny mpifidy, ny fampiasana ny “Biometrique”, ny momba ireo “Diaspora” ary ireo manana fahasembanana, manoloana ny fifidianana. Hitohy amin’ny taona hoavy izany dingana izany rehefa voaravon’ny Ceni ny antontan-kevitra rehetra. Natsidiny fa hoentina eo amin’ny fihaonambem-pirenena izany avy eo ka handraisana fanapahan-kevitra.
Synèse R.
French