Nanao sonia fiaraha-miasa ny Réseau des médias africains pour la promotion de la santé et de l’environnement (Remapsen) sy ny fikambanana Galien Africa, tany Dakar, ny herinandro lasa teo. «Haharitra roa taona ny fifanarahana ka tanjona ny hampiroboroboana ny fahasalamana sy ny tontolo iainana amin’ny asa vokarin’ny mpanao gazety afrikanina amin’ny sehatra misy azy avy», hoy ny filohan’ ny Remapsen, Bamba Youssouf. Nanamafy kosa ny filohan’ny fikambanana Galien Africa, Pr Awa Marie CollSeck, fa vonona hatrany hanohana ireo sahanasa karakarain’ny Remapsen ka anisan’izany ny Rendez- vous du Remapsen volavolain’ny firenena afrikanina rehetra mpikambana. Manana rantsana eto Madagasikara ny Remapsen nanomboka ny taona 2021, ary manana mpanao gazety mpikambana manodidina ny 40 eo ho eo manerana ny Nosy.
Tafiditra ao anatin’ny fiaraha-miasa nosoniavina ny fandraisana anjaran’ireo mpanao gazety mivondrona amin’ny Remapsen amin’ny Forum et du Prix Galien Afrique hatao any Dakar, ny 28 ka hatramin’ny 31 oktobra. Izy ireo no hanaparitaka ny vaovao momba ity hetsika ity, izay aompana amin’ny maha zava-dehibe ny fifehezan’i Afrika ny fahasalaman’ny mponina ao aminy fa tsy hiankina amin’ny mpamatsy vola ivelany hatrany.
Vonjy
French