Lehilahy iray 50 taona tratra nivarotra zava-mahadomelina “rongony” tany Ambatonomby, kaominina Soalandy, disitrakan’Antananarivo Atsimondrano ny faran’ ny herinandro teo. Nifanehitra tamin’ny zandary nanantanteraka ny asany izy io. Nahitana rongony 46 fonosana teny aminy. Tafiditra ao anatin’ny ady amin’ny zava-mahadomelina izao hetsika izao.
Tovolahy mahery fihetsika efatra voasambotry ny polisin’ny FIP, tany Antanimalandy VII, Mahajanga, ny alahady lasa teo. Nanao herisetra sy fanakorontanana tao an-tranon’olona iray nanao fety tany an-toerana izy efa-dahy niampy ireo namany roa hafa. Naratra mafy vokatr’ izany ny telo tamin’ny tompom-pety. Nentina eny anivon’ny kaomisarian’ny boriboritany faha-3 ao Antanimasaja izy ireo.
Fasana enina indray nisy namaky tany Miarinarivo, faritra Itasy, afakomaly alina. Lasan’ireo olon-dratsy tamin’ izany ny razana miisa 40 tao anatiny. Lasa tamin’izany koa ireo taolan-dava rehetra ary namparitak’ireo jiolahy teo ivelany ny taolana hafa. Fasana iray hafa tsy voavahan’ny olon-dratsy na dia efa noezahina novakiana aza.
French