Nandritra ny fandraisan’ny governoran’ny faritra Boeny ny delegasionin’ny fahasalamana sy ny ONUSida no nahafantarana fa mirongatra ny aretina Sida ao Mahajanga. Olona 6 isan-kerinandro no fantatra fa mitondra io tsimokaretina io . Ao Mahajanga no misy ny taha ambony indrindra eto Madagasikara. Anisan’ny firenena tena be olona mitondra ny tsimokaretina VIH/Sida ny eto Madagasikara sy any Indonesie.
Antony mahatonga ny fiakaran’ny trangan’aretina ny firongatry ny fivarotan-tena sy ny fiarahan’ireo mitovy faanahana ary ny firongatry ny fidorohana zava-mahadomelina hatsindrona.
Manana ny paikadim-pirenena hanenana ny tahan’ny trangana Sida ny fanjakana malagasy ary anisany hampiharana izany i Boeny. Tafiditra ao anatin’ny site pilote i Mahajanga, izay manana CSB miisa roa misahana ny fitiliana sy ny fitsaboana ireo mararin’ny Sida.
Mirotsaka an-tsehatra amin’ny ady amin’ity areti-mandoza ity ny governoran’ny faritra Boeny, Andriantomanga Mokhtar. Maniry ny tenany mba hampidirina anaty fanabeazam-pirenena mihitsy izany ady izany. Mila ampifanarahana amin’ny zava-misy iraisam-pirenena ny paikady.
Tatiana A
French