Vehivavy 20 isa navoaka sy nahazo mari-pahaizana, omaly, tetsy Ambatoroka. Nanaraka ny fiofanana momba ny zaitra teo anivon’ny WMG izy ireo.
Navoaka tetsy Ambatoroka, omaly, ireo vehivavy 20 isa. Nandranto fiofanana mahakasika ny zaitra sy rafia teo anivon’ny Wednesday Morning Group (WMG) izy ireo. Nampitondraina ny anarana hoe: “Kanto” ity andiany ity. Naharitra telo volana ny faharetan’ny fiofanana, nanomboka ny volana avrily. “Taorian’ny fianarana norantovina, efa mahay manjaitra akanjo, afaka manokatra toeram-piasana ho azy manokana, ary afaka miasa any amin’ny orinasa samihafa izy ireo “, hoy ny filohan’ny fikambanana WMG, Tsiranana Fiona. Tsapa fa betsaka ireo vehivavy tsy manana asa, tsy nandia sy tsy nahavita fianarana hatramin’ny farany. Misy lesoka goavana eo amin’ny ara-tsosialin’ireo vehivavy malagasy ankehitriny izany zava-misy izany. Nanokatra ny toeram-piasana momba ny zaitra ny WMG mba hanampiana ny vehivavy, indrindra ireo vehivavy sahirana. Tanjon’ny fikambanana ny hampanana asa sy hampahaleo tena ireo vehivavy.
Noraisina ihany koa ny andiany Soa
Noraisina teny an-toerana ihany koa ireo vehivavy 15 isa, ao anatin’ny andiany manaraka, nampitondraina ny anarana hoe: “Soa”. Reny mpiahy azy ireo Andriantsitohaina Lalaina, tale mpitantana ny orinasa Groupe Media Andriantsitohaina. Hivoaka ny volana desambra hoavy izao izy ireo. Ankizy avy any amin’
ny kaominina Antombolo, disitrikan’Arivonimamo izy ireo. Manodidina ny 100 ireo vehivavy efa nivoaka teo anivon’ ny fikambanana WMG hatramin’izay nijoroany. Miompana betsaka amin’ny vehivavy sy ny adolantsento ny fikambanana. Toy ny fizarana salaka azo sasana sy fanabeazana ho olom-pirenena vanona.
Mino
French