Tapitra hatreo! Nifarana indray izany ny lalan’ny Elgeco Plus, tamin’ity fifanintsanana afrikanina « Ligue des Champions Caf » ity. Tsy resy ity klioba ity fa nihintsana, satria nanao ady sahala tsy nisy nitoko (0 no ho 0) tamin-dry zareo avy atsy Malawi, Silver Strickers, ny asabotsy lasa teo, tany Malawi. Tsy nahatafidirana baolina ny tao amin-dry zareo malaoita, ka izay nahatafakatra an-dry zareo.
Ampahatsiahivina ihany fa nahatafidirina baolina iray ny Malagasy, nandritra ny fifanandrinana voalohany, izay noraisin’ny Elgeco Plus, tany amin’ny Côte d’Or, Maurice. Nisaraka ady sahala 1 no ho 1, ny roa tonta tamin’io lalao voalohany io. Tsy manana solontena amin’ny sehatra afrikanina intsony izany ny Malagasy, taorian’ity fihintsanan’ny Elgeco Plus ity. Ampahafantarina fa nihintsana ihany koa ny AS Fanalamanga, nandritra ny fihaonana savaranonandon’ny Amboaran’ny Caf, rehefa lavon’ny Club Ferroviario, Mozambika, tamin’ny isa 2 no ho 1, teo amin’ny lalao miverina, raha toa ka 1 no ho 1, ny fifandonana mandroso.
Fitia Randria
French