Hotanterahina amin’ity faran’ny herinandro ity ny fifaninanana “Tournoi de Hainaut”, taranja Judo, izay hatao any Belgique. Tsy diso anjara amin’izany i Madagasikara fa hanana solontena amin’ny alalan’ny Judo Club Atrika (JCA) Atsinanana. Ny mpanazatra, ny Maître Raoelison Annie no hitarika ny delegasiona malagasy, izay ahitana mpikatroka 7 mianadahy. I Davidson Joy, Cadette -52kg, Ramampiandra Dylane, Minime -60kg, Andriamitandrina Mana, Minime -55kg, Ramampiandra Yasmane, Benjamin -34kg, Andriamitandrina Fehizoro, Benjamin -38kg, Andriamihaja Maëva, Benjamine -36kg ary Andriamihaja Maheri, Poussin -34kg no nanainga omaly, hihazo any an-toerana. Tsiahivina, nandray anjara mavitrika tamin’ny fanohanana ireo atleta ireo ny Ray aman-dreniny, teo koa ny klioba izay nitady ny fomba rehetra nahafahana nitondra azy 7 mianadahy ireo. Nanampy teo amin’ ny fikarakarana ny ara-taratasy ihany koa ny minisiteran’ny Tanora sy ny fanatanjahantena, izay notoloran’ny klioba fisaorana. Haka traikefa, fa hitady fandresena ihany koa ireto Malagasy solontena izay tena mbola tanora tokoa ireto.
Mi.Raz
French