Naharitra roa andro ny atrikasa fampahafantarana momba ny Incubation professionnelle ao amin’ny faritra Atsinanana, izay natao tamin’ity herinandro ity. Notanterahina tao amin’ny Lycée Privé Camp Toamasina izany. Ireo solontena avy amin’ny Direction de l’incubation professionnelle, avy ao amin’ny minisiteran’ny Fampianarana teknika sy fanofanana arakasa foibe
no nikarakara izany. Nandray anjara tamin’izany ireo talen’ny ivontoeram-panofanana CFP avy ao amin’ny faritra Atsinanana, Analanjirofo ary Alaotra Mangoro.
Hotanterahina ny 31 oktobra ho avy izao ny fifaninanana handraisana ireo mpianatra hiditra taona voalohany ao amin’ny CFFamma Ivory Antsirabe sy CFFamma Nanisana Antananarivo. Mikatona ny 30 oktobra ny fandraisana ny taratasy fisoratana anarana hifaninana. Fiofanana ho an’ny mari-pahaizana Technicien supérieur en équipement rural sy licence en machinisme agricole no atolotry ny toeram-panofanana. Hisokatra ny 10 novambra ny taom-panofanana ho an’ireo afaka.
Niverina ny asa rehetra eo anivon’ny Oniversiten’i Toliara, nanomboka afakomaly, araka ny fanambaran’ny fiadidiana ny Oniversite. Efa milamina ny zava-misy ka hitohy ny fampianarana sy ny andraikitry ny mpandraharaha taorian’ny dinika niarahan’ny mpisehatra rehetra.
French