Natao omaly ny lanonana fanombohana ny asa fananganana Lycée vaovao ao amin’ny kaominina Ambohibao Antehiroka, izay iandraiketan’ny kaominina ao an-toerana. Etsy andaniny, tsy manaiky ny fananganana ity fotodrafitrasa ity ao anatin’ny faritry ny EPP ireo ray aman-drenin’ny mpianatra amn’io EPP io. Nanazava ny ben’ny Tanàna fa hiavaka tsara ny lycée sy ny EPP ka tsy hifangaro ny tokotany.
Efa misokatra 100% ny tolotra ara-pahasalamana rehetra ao amin’ny CHU GOB Befelatanana na ny hopitaly fiterahana etsy Mahamasina, nanomboka tamin’ity herinandro ity. Anisan’izany ny fizahana fahasalamana, ny fampisafoana sy ny fanaovam-baksiny ary ny fandrindrana ny fiainam-pianakaviana.
Nakatona omaly sy androany ny CEG Talatamaty noho ny fanadiovana tsy maintsy hataon’ny sekoly ialan’ny zavatra ratsy nampikorontana ireo mpianatra sasany tao, nitranga ny alarobia teo. Ambalavelona no nambaran’ny lehiben’ny Cisco fa nahazo ireo mpianatra miisa 15. Nitabataba, tsy tompon’ny tenany ary mitsipatsipaka ireo mpianatra.
French