Olona roa, lehilahy sy vehivavy niara-notanan’ny mpitandro filaminana hatao famotorana, nanomboka afakomaly, taorian’ny fakana an-keriny zazavavy vao telo taona monja tao Ambatoboeny. Nalain’ny olon-dratsy io zaza io ny 27 oktobra lasa teo. Nifampitadiavan’ny fianakaviany saingy tsy hita popoka nanomboka tamin’ny 11 ora atoandro. Nametraka fitarainana teny anivon’ny mpitandro filaminana ny ray aman-dreniny. Naharay hafatra miafina avy amin’ny olona tsy fantatra anefa izy ireo. Naparitaka tamin’ny alalan’ny onjam-peo ny ombay mitady. Nanohy ny fikarohana ilay zaza ny tomponandraikitra. Hita tao amin’ ny tanànan’ Antafia ity farany, tamin’ny 1 ora sy sasany. Tapa-tanana ilay zaza sady niharan’ny daroka. Nitaky vola tamin’ny fianakavian’ny zaza ireo mpaka an-keriny. Nanao ramatahora ireo mpanao ratsy ary nanery ny ray aman-drenin’ ny zaza hanome ny lelavola tadiaviny. Niara-niasa hatramin’ny farany tamin’ny zandarimaria kosa ny fianakavian’ny zaza. Iray volana taty aorian’ ny tranga, nahitam-bokany ny fanadihadiana nataon’ny mpitandro filaminana. Nosamborina ireo nampiahiahy ary voamarina tao anatin’ny finday nampiasain’izy ireo ny fisian’ ny hafatra miafina nanaovany ny asa ratsy. Nentina natao famotorana ireo olona roa ireo ary hatolotra ny fampanoavana.
Tsiferana R.
French