Hifarana ny zoma izao ny roa volana voalohany amin’ny taom-pianarana 2026-2027. Manao tombana ny fandraisan’ny mpianatra ny lesona nampitaina ny mpanabe, amin’ity herinandro ity, mialoha ny hidirana amin’ny fiatoana mandritra ny herinandro. Hiverina an-dakilasy indray ny mpianatra, ny 9 novambra ho avy izao. “Somary mbola sahirana ny mpanabe niatrika ny fampianarana satria efa nosantarina ny taom-pianarana vao nampahafantarina ilay fandaharam-pibeazana PE. Nisy ny taranja vaovao natsofoka ary nisy fiovana koa ny kilasy hanombohana ny taranja sasany teo aloha”, hoy ny talen’ny EPP iray ato anatin’ny Cisco Antananarivo Renivohitra. Aorian’ny tombana voalohany no hanitsiana ny lesoka amin’ny fampitana sy handrefesana ny lentan’ny fahaizan’ny mpianatra.
Nanambara ny minisiteran’ny Fanabeazam-pirenena fa handray mpampianatra 26 000 ao anatin’ny telo taona, ao anatin’ny tetikasa Talim, iarahana amin’ny Banky iraisam-pirenena. 9 000 ny isan’ ny olona horaisina hisahana ny fampianarana eny anivon’ ny ambaratonga voalohany amin’ity taona ity. Ny 1 933 amin’ireo niofana teny anivon’ ny CRFRP ary efa nahazo ny fifanarahana arakasa teny Mahamasina.
Vonjy
French