Adin’ny samy kartie indray ny hamarana ny lalao etsy amin’ny Kianja Makis Andohatapenaka, rahampitso. Hifandona amin’izany ny CEA Andranomanalina sy ny TFMA Ankasina.
Hotanterahina rahampitso, etsy amin’ny Kianja Makis Andohatapenaka, ny andro fahatelon’ny fiadiana ny ho tompondakan’i Madagasikara, taranja Rugby, “XXL Top 12”.
Anisan’ny fifanandrinana tena andrasan’ny maro ny fihaonana eo amin’ny CEA Andranomanalina sy ny TFMA Ankasina na ny boaikely manohitra.
Lalao azo heverina ho toy ny famaranana ihany izy ity satria samy manana ny lazany eo amin’ny tontolon’ny Rugby, na ny TFMA na ny CEA. Miezaka mametraka ny anarany ao amin’ny “Top 12” ny CEA. Hatreto, tsy mbola nisy klioba nandresy azy, nandritra ny fihaonana rehetra vitany. Tanjon’ ity ekipa vao niakatra anivon’
ny divizionina voalohany ity ny handrombaka ny anaram-boninahitr’i Madagasikara, ary mipetraka eo amin’ny laharana faharoa izy ireo, raha mihazona ny lohany ny Cosfa miaramila. Any amin’ny fahenina kosa ny boaikely manohitra.
Etsy ankilany, nilaza ny hiezaka mafy handavo ny CEA ny teknisianina anivon’ny TFMA. Ankoatra izay, hiakatra an-kianja, hifandona amin’ny ekipan’ny Savony STM, ny FTM Manjakaray, tompondaka farany tamin’ny “XXL Top 12”. Marihina fa hatramin’izao dia tsy mbola mandeha ilay “Super Coupe de Madagascar” izay hifanandrinan’ny Cosfa, tompon’ny amboaran’i Madagasikara sy ny FTM Manjakaray.
Fitia Randria
Ireo fifanandrinana
rehetra rahampitso :
Kianja Makis Andohatapenaka :
Ligin’Analamanga :
9 ora : Fitam Ambodivona vs Tam 67 Ha
“XXL Top 12”:
11 ora : UASC Cheminot vs Uscar Kaominina
1 ora : FTM Manjakaray vs STM Savony
3 ora : CEA Andranomanalina vs TFMA Ankasina
French