Nanatanteraka fivoriambe tetsy Mahamasina ny mpikambana ao amin’ny Gen Y, ny sabotsy lasa teo. Mametraka ahiahy ireo mpikambana manoloana ny zava-misy ankehitriny, indrindra ny mahakasika ny fanovana hatao eto amin’ny firenena. “Tsy voahaja ny hetahetam-bahoaka, tsy mitovy tamin’ny fitakiana sy ny hetahetan’ny mpitolona teny an-kianja ny zava-misy amin’izao”, hoy izy ireo. Mbola maro ny olon’ny fitondrana teo aloha mahazo sy mikasa hahazo toerana amin’izao fotoana, raha ny fanambarana. Manao antso avo ho amin’ny kolonely Randrianirina Michaël izy ireo mba hijery ny fanendrena ny lehiben’ny faritra. Notsindrin’izy ireo manokana ny any amin’ny faritra Melaky. “Misy olona tsy tokony hotendrena amin’ireo nandefa antontan-taratasy, aleonay kokoa ary mahita ny miaramila mitantana ny faritra toy izay ireo olona ireo”, hoy i Marolahy Madove, filoha nasionalin’ny fikambanana Gen Y ofisialy.
Tonga nanatrika ny fivoriana ny mpikambana avy eto Antananarivo, avy amin’ny faritr’i Melaky, Menabe, Ihorombe, Matsiatra Ambony ary Betsiboka. Tonga nanatrika ny hetsika ihany koa ny ben’ny Tanànan’i Tsaratanàna. Ñohamafisin’izy ireo fa hiverina hidina an-dalambe izy ireo raha toa ka izay ny hampilana ny raharaha.
Mino
French