Noho ny antony ara-pahasalamana, voatery nahemotra ho amin’ny fotoana tsy mbola fantatra ny fifaninanana “Gala des champions” nokasaina hatao ny 10 janoary izao, any Antsirabe. Fifaninanana izay karakarain’ny Phoenix Kross Fight ka haiady maro no saika hifaninana amin’izany. Tsy avelan’izy ireo handalo fotsiny anefa io fotoana io fa hisy ny fifaninanana isaky ny klioba amin’ny taranja Boxe Anglaise sy kick boxing. Efa misy klioba avy any La Réunion tonga rahateo eto Madagasikara ary hifanandrina amin’ny klioba avy eto an-toerana. Manodidina ny 20 eo ny mpandray anjara amin’io fotoana io, raha ny fanazavan’ny mpikarakara. Ho fanajana sy fitandroana ny fahasalamana, tsy ho azon’ny mpijery hatrehana ity fifaninanana ity fa atao mikaton-trano. Tsiahivina, anisan’ny firenena nandrasana tamin’ity « Gala des champions » ity ny nosy Maorisy sy Frantsa saingy noho io antony ara-pahasalamana izay misy eto Madagasikara dia nahemotra ny fifaninanana.
Mi.Raz
French