Namoy ny ainy ny olona telo tamin’ireo voafaokan’ny taksiborosy teny amin’ny RN6, tao amin’ny fokontany Ankiabe, kaominina Beramanja, distrikan’Ambilobe, ny talata 14 jolay teo. Nijanona tamin’ny sisin-dalana ny fiara iray rehefa nisy olana ka niroso tamin’ny fanamboarana azy ny mpamily sy ireo mpanampy azy. Nivoaka ny fiara ireo mpandeha ka nijoro teo amoron-dalana, tamin’ny 2 ora sy sasany. Nandalo tao anatin’ny haizina, nofaohan’ilay taksiborosy ireo olona nijoro. Olona telo tsy tana ny ainy. Naratra mafy ny dimy hafa ka nentina nihazo toeram-pitsaboana ao amin’ny hopitaly Antsiranana. Narahi-maso ao amin’ny Hopitaly Ambilobe ny efatra. Zanak’Ambanja avokoa ireo olona telo namoy ny ainy. Niroso amin’ny fanadihadiana ny tomponandraikitry ny filaminana ao an-toerana.
Tsiferana R.
French