Ny alakamisy lasa teo ny fotoana niarahan’ny mpanabe, notarihin’ny lehiben’ny fanabeazam- pirenena, nandinihina ny naoty farany ambany ho an’ny mpiadina tamin’ny fanadinana BEPC 2026. Natao tao amin’ny CEG de référence Ambodimanga izany, ho an’ny tanànan’i Toamasina Renivohitra. Niarahan’ny rehetra nanapaka fa naoty 9,50/20 no eken’izy ireo ka nahazoana ny taham-pahafahana 67,60% ; raha 56,04% izany ny taona 2025.
Amin’ny ankapobeny, miisa 6 292 ny mpiadina voasoratra anarana, 6 004 tamin’ireo no tonga niatrika ny fanadinanana. Vokany, 4 059 no afa-panadinana. 19.22/20 ny naoty ambony indrindra ka ankizivavy 16 taona no nahazo azy, ho an’ny taona 2026. Nahatratra 19,80/20 ny salanisa ambony indrindra ny taon-dasa. Ho an’i Toamasina manokana, miisa 80 ireo sekoly nisy mpianatra nisoratra anarana ka 11 tamin’ireo ihany no nahazo vokatra 100%. Omaly maraina vao napetaka ny petadrindrina hisorohana ny mety hivoahan’ny ankizy sy ny ray aman-dreny hijery ny vokatra ny alakamisy alina.
Sajo
French