Indroa saron’ny fokonolona nanakorontana ny lamba namonosana ireo razana milevina tao anatin’ny fasana, tao Ambahavala, kaominina Sambava, ny vehivavy iray. Nosavoritahiny avokoa ny razana rehetra tao anatin’ny fasana maromaro ao an-toerana. Niparitaka nanerana ny tokotanim-pasana ireo lamba sasany namonosan’ny fianakaviany ireo olona efa namoy ny ainy milevina amin’io toerana io. Vehivavy iray no voalaza ho tompon’antoka tamin’io fanakorontana io, hatreto. Fanindroany nanao io tranga io izy, araka ny loharanom-baovao. Vao ny 22 jolay lasa teo, efa tratra nanao izany izy. Tsy toeran-kafa, toerana iray ihany no nanaovany ireo tranga roa tamin’ny fotoana samihafa ireo. Misedra tsy fahasalamana ara-tsaina izy, raha ny tatitra.
Tsiferana R.
French