Nanolotra ny dika mitovy amin’ny fanendrena azy ho masoivohon’ny fanjakan’i Arabie Saoudite, na tsy monina eto Madagasikara azy, i Ahmad Mohamad Alwohaib. Nandray izany tetsy amin’ny minisiteran’ ny Raharaham-bahiny, Anosy, ny minisitra mpisolo toerana, Rakotonandrasana Hanitra Velonjara Tiaray.
Fihaonana nahafahan’i Madagasikara nanamafy indray ny fifandraisan’ny firenena roa tonta. Mifototra amin’ny vina iraisana, mahakasika ny fampandrosoana sy ny fiaraha-miasa izany.
Anisan’ny hifantohan’ny fiaraha-miombona antoka eo amin’ny sehatra marolafy. Voaresaka tamin’ny diniky ny roa tonta ary nahaliana ny ambasadaoron’i Arabia Saodita ny eo amin’ny lafiny fizahantany. Tafiditra ao anatin’izany koa ny momba ny fotodrafitrasa sy fifanakalozana ara-barotra.
Nambaran’ny minisitra mpisolo toerana, ny minisitry ny Atitany sy ny fitsinjaram-pahefana fa hampiroborobo be kokoa ny fiaraha-miasan’ny firenena roa tonta izao fanendrena masoivoho vaovao izao. «Hanokatra sehatra maro entina hampandrosoana an’i Madagasikara izao fifandraisana amin’i Arabie Saoudite izao», hoy izy.
Tsiahivina fa tsy eto an-toerana, lasa namita iraka any ivelany ny minisitry ny Raharaham-bahiny, Alice N’Diaye. Miatrika ny fivorian’ny filankevitry ny minisitra eo anivon’ireo firenena mpikambana ao amin’ny Sadc. Tanterahina any Durban any Afrika Atsimo, nanomboka, omaly izany.
Synèse R.
French