TSELATRA

Maty voatifitry ny zandary ny tompon’antoka tamin’ny vaky trano tao Ampanotokana, distrikan’Ambohi­dratrimo, afakomaly. Roa lahy namany azo sambo-belona. Nahatrarana entana halatra toy ny bisikileta niampy akoho amam-borona nalainy teny amin’ireto farany.
Renim-pianakaviana iray nalain’ny mpaka an-keriny tao amin’ny trano fonenany, tao Morarano Chrome, distrikan’Amparafaravola, ny alin’ny alatsinainy 23 septambra teo. Nitondra fitaovam-piadiana ireo dahalo. Niditra an-keriny tao an-trano izy ireo tamin’ny 8 ora sy sasany alina.
Voasambotry ny zandary ny mpivarotra rongony tao amin’ny fokontany Ampatsakana, kaominina Anka­zobe, afakomaly. Rongony efa voatsinjara anaty fonosana miisa 150 sarona tao aminy.