TSELATRA

Naratra ny zazakely iray nianjeran’ny vilany feno laoka mbola mangotraka, teny Bongatsara, omaly atoandro. Variana nilalao ilay zazakely ka voasaringotry ny akanjony ny vilany misy laoka nandrahoin-dreniny teo an-tokotany. Nentina namonjy hopitaly ilay zaza.
Notanana vonjimaika eny amin’ny fonjan’ Antanimora, ilay lehilahy tratra nandoro tanety teny Ambodirano, Ambohimanandray, fokontany Antanimarina, kaominina Ankadinandriana, ny 25 septambra teo.
Mpivarotra rongony nosamborin’ny zandary teny Ambodifano Lailava, kaominina Soalandy, ny 23 septambra teo. Nahatrarana rongony natao anaty fonosana miisa 11 teny aminy. Notanana vonjimaika eny am-ponja izy taorian’ny fampanoavana.