TSELATRA

Zazalahy kely nisy nanary teny Ambohimanala, kaominina Andoharanofotsy, omaly. Niantso ny zandarimaria ny sefo fokontany ary efa noraisin’izy ireo an-tanana io zazalahy io.
Fiara roa nifandona ka potika tanteraka ny lohany teny By-pass, omaly maraina. Tsy nisy aina nafoy saingy niteraka fitohanan’ny fifamoivoizana teny an-toerana ity tranga ity.
Mpanondrana sokatra antsokosoko tratra tao amin’ny kaominina Tranovao naiditra am-ponja, afakomaly. Nitatitra sokatra niala tao amin’io kaominina io, nokasain’ izy roa ireto hoentina any Beloha ireo sokatra mitotaly 113 tra-tehaky ny zandary ireo, ny 27 septambra lasa teo.