Zaza iray tsy nahatsiaro tena ary olona enina naratra vokatry ny lozam-pifamoivoizana nitranga tao Matsaborivato, lalana Ambalavary, kaominina ambanivohitra Ambalakirajy, omaly. Niakatra fiakarana ka nihemotra tampoka io fiara io. Nivadika ka nitera-doza.
Vehivavy iray maty voatsindrona antsy tao Toliara Renivohitra, ny alin’ny talata 15 oktobra lasa teo. Nifamaly tamin’ny sakaizany io vehivavy io. Nidin’ilay lehilahy ny trano ka nitsambikina nivoaka ny varavarakely izy. Fatim-behivavy efa nitsirara tamin’ny tany no hitan’ny fianakaviany. Polisy io sakaizany voalaza ho nandositra io.
Tsy misy velively ny olona roa nodoran’ny dahalo mpaka an-keriny tao amin’ny kaominina Ambolotarakely, distrikan’Ankazobe, araka ny fanazavan’ny zandarimaria, omaly. Fanelezam-baovao tsy marina ny fanamparitahana izany, araka ny fanazavan’ny ben’ny Tanàna ao an-toerana.
Mpisoloky ho mandefa olona hiasa any Canada tra-tehaka tao Sambava, ny 11 oktobra teo. Nangalany vola mitetina 2 500 000 Ar hatramin’ny 2 800 000 Ar ireo nosolokiany. Nomeny taratasy hosoka fahazoan-dalana hiasa sy pasipaoro ireo lasibatra.
French