Lehilahy 52 taona tratra nanolan-jaza 8 taona teny Ambohitrimanjaka. Nanamparan’io lehilahy io ny filan-dratsiny ilay zazavavy, ny 28 oktobra teo. Nitaraina tamin’ny ray aman-dreniny ilay zaza. Marihina fa vao avy nisazy noho ny fanolanana nataony ity lehilahy voasambotra ity.
Andrin-jiro iray nirehitra tampoka teny Tanjombato, omaly. Nandady tamin’ny vatan’ilay andrin-jiro izay hazo ny afo. Ahin’ireo nanatri-maso ho fifampikasohan’ny herinaratra no niteraka ny loza.
Orinasa iray teny Mandroso Ivato niharan’ny fahamaizana, ny alarobia teo, tamin’ny 3 ora sy sasany tolakandro. Nalaky tonga ny mpamonjy voina nifehy ny firehetana. May ny conteneur iray niampy ny trano fanitso teo amboniny. Kila forehitra avokoa ny akanjo sy kojakoja.
Lehilahy malagasy hita faty tao anaty tatatra tao Maorisy, ny 6 novambra teo. Nivoaka ra ny vavany. Olana tao amin’ny lohany no antony nahafaty azy, araka ny fizahana nataon’ny mpitsabo ao an-toerana.
French