Efa misokatra ho an’ny fiara rehetra ny RN 6, fivilian-dalana any amin’ny tetezana Ifasy, PK 537+329, nanomboka omaly hariva. Tapaka mantsy ny lalana, taorian’ny orambe ny alahady teo. Mitohy ny asa fanamboaran’ny orinasa Colas, ary misy ny fandaminana sy ny fanaraha-maso ataon’ny tomponandraikitra isan-tsokajiny.
Misitraka herinaratra avy amin’ny masoandro ny toeram-pitsaboana CSB II any Toliara II, ao amin’ny kaominina Analamisampy sy ny any Tsianisiha. Natolotra ny 29 novambra teo ireo fotodafitrasa ireo. Tafiditra ao anatin’ny tetikasa hamatsiana herinaratra mandeha amin’ny herin’ny masoandro, miisa 500, manerana ny Nosy izao hetsika izao.
Maherin’ny 7,334 tapitrisa dolara ny famatsiam-bola ho an’ny tetikasa Tefiala. Avy amin’ny Tahirimbola ho an’ny tontolo iainana maneran-tany ny vola. Mifantoka amin’ny fiarovana ny tontolo mananaina, ny famerenana sy fampandrosoana ny eny ifotony ny sahandriaka any Mangoky, ny tetikasa.
French